Varžības “ Kėits žemaitoks“

Dvė nedielės, nu spalė 10 d. lig spālė 21d., Ylakiū darželie šormoliāva žemaitėšku žuodiu varžības “ Kėits žemaitoks“. Žemaitėška rokoutėis okatėjė logopēdė Loreta. Varžību užmanīms bova tuoks: pamėnavuotė 2022 žematiu kalbuos metus, išmuoktė i vartuotė kuo daugiau žemaitėšku žuodiu. Pėrma nedielė kuožnuo grupie vakā spieliuoje: pagal žemaitėška žuodi reikiejė atrastė paveikslieli. Vakams patėka žaistė dėdėlem ekranė. Katrėi surinka pu 5 taškus, užkārta pateka i fināla. Ontra nedielė reikiejė pasakītė kuo daugiau žemaitėšku žuodiu: atverti paveikslieli i pasakā, kas ten tuoks yr. Čia finalistams bova ne joukā. Bet dėl medālė juk rek paprakaitoutė. Vo medālis bova medinis rėišots su ożrašo „2022 metā- žemaitiu kalbuos metā“. Visims kliova i pu saldi rėišutieli.

No va, i torem nugalietuojus:

Boružiukų grupie Mileta Milvydaitė, Bitučių gr.- Anabelė Šimkutė, Drugieliu gr.- Milda Jurijutė, Spinduliukų gr.- Dovydas Šukys, Kačiukų gr. – Edas Jakštas. Vo kap okatnē žaidė žemaitėšku žuodiu varžybuos vėsas darbuotuojės. Negalio atsėdžiaugtė , kuokės vėsas mitrės. Bet nugalietuojės tik trys: viriejė Loreta, ūkvedė Jūratė ėr muokītuojė Valerija. Dar logopedė apduovėnuojė tus vākus, katrėi nomėi i darželie dróse rokoujės žemaitėškā. Anuos yr ketorės poikės mergēlės: Elzė Stripinytė, Ieva Narmontaitė , Emilija Pušinskaitė ėr Unė Stripinytė. Rēk diekavuotė tievelems, kad anėi muoka vākus sāva gimtuosės žematiu kalbuos. Linko neužmėrštė, kad gīvenam Žemaitijuo tad ėr rokoukemuos so savėškes žemaitėškā. Diekou ėr sodėivo.

Logopedė Loreta Petrutienė